राळेगाव -/अखिल भारतीय विद्यार्थी परिषद, राळेगाव शाखेतर्फे आज क्रांती चौक येथे भारतीय सेनेच्या Operation Sindoor या यशस्वी मोहिमेसाठी हार्दिक अभिनंदन करण्यात आले. देशाच्या संरक्षणासाठी नेहमी तत्पर असलेल्या भारतीय सेनेच्या धाडसाचा गौरव करण्यासाठी राळेगावच्या तरुणांनी हा अभिनंदन सोहळा आयोजित केला होता.
Operation Sindoor ही भारतीय सेनेने अलीकडेच जम्मू-कश्मीरमधील सीमावर्ती भागात राबवलेली एक महत्त्वपूर्ण आणि यशस्वी कारवाई होती. या मोहिमेद्वारे शस्त्रसज्ज अतिरेक्यांच्या हालचालींवर प्रभावी नियंत्रण मिळवले गेले. या कारवाईत अनेक दहशतवादी ठार करण्यात आले असून, मोठ्या प्रमाणात शस्त्रसाठा जप्त करण्यात आला. ही मोहीम भारतीय सेनेच्या अतुलनीय शौर्याचे व कर्तृत्वाचे प्रतीक ठरली आहे.या वेळी अभाविप विदर्भ प्रांताचे सोशल मीडिया सह-संयोजक हर्ष वानखडे, लक्ष्मण ढुमणे, पवन वर्मा, जगदीश निकोडे, लचीत धनरे, ओम धुर्वे, लकी वाघ, अंकित चहाणकर, वेदांत राऊत, प्रज्वल मिसाळ, क्रिश बोंद्रे, हर्ष गेडे, दिनेश शेंडे, प्रेम गहरवाल, यश ढगले यांच्यासह अनेक कार्यकर्ते उपस्थित होते. त्यांनी एकमताने भारतीय सेनेच्या जवानांचे कौतुक करत “देशभक्ती आणि सेवा हीच खरी ओळख” असे मत व्यक्त केले.या कार्यक्रमातून राळेगावच्या युवकांनी देशसेवेबद्दलचा आदर आणि कृतज्ञता व्यक्त करत भारतीय सेनेच्या पाठीशी खंबीरपणे उभे राहण्याचा संदेश दिला.
🔥भारतीय सेनेच्या Operation Sindoor मोहिमेच्या यशस्वीतेसाठी राळेगावमध्ये अभिनंदन सोहळा…..
