🔥उभ्या ट्रकला दुचाकी धडकली एक ठार,तर एक जखमी.🔥केळझर जवळ झाला हा अपघात
सेलू -/ वर्धा नागपूर महामार्गावरील केळझर येथील दप्तरी पेट्रोल पंपाजवळ बुटीबोरी येथून सेलूकडे परत येत असताना दुचाकी वाहन उभ्या ट्रकवर जाऊन आदळल्याने झालेल्या अपघातात एक जण ठार तर एक गंभीर जखमी झाल्याची घटना शनिवारी रात्री 8 वाजताच्या सुमारास घडली अभय हरिचंद्र शंभरकर वय 45 रा सेलू असे मृतकचे नाव आहे
मृतक हा बुटीबोरी येथून कामावरून आपल्या सहकारी मित्रासह दुचाकी वाहन क़मांक एम एच 32 ऐक्यू 0295 ने सेलूकडे परत येत असताना दप्तरी पेट्रोल पंप समोर नादुरूस्त उभ्या ट्रकला धडक दिली यात दुचाकी स्वार दोघे ही गंभीर जखमी झाले घटनेची माहिती मिळताच रुग्णमित्र प्रज्वल लटारे यांनी तातडीने आपल्या वाहनासह घटनास्थळी धाव घेत जखमींना रुग्णवाहिकेने उपचारासाठी रूग्णालयात दाखल केले दुचाकी स्वार अभय यास जबर मार लागल्याने त्यास नागपूर येथील एम्स रुग्णालयात दाखल केले असता तिथे त्याचे निधन झाले तर दुसरा सहकारी प्रफुल सुरेश खांडेकर वय 40 हा गंभीर जखमी असून त्याला सेवाग्राम रूग्णालयात उपचारासाठी दाखल करण्यात आले आहे घटनेनंतर ट्रकचालक वाहनासह पसार झाला या घटनेची सेलू पोलिसात नोंद असून पुढील तपास सेलू पोलीस करीत आहे.
🔥उभ्या ट्रकला दुचाकी धडकली एक ठार,तर एक जखमी.
🔥केळझर जवळ झाला हा अपघात
