🔥लाडखेडचे ठाणेदार विनायक लंबेची लांबलचक कमाई – बोरी अरब चे बीट जमादार सावदे व सुनिल राठोडच्या माध्यमातून अवैध धंदेवाल्याकडून लाखोंची हप्ता वसुली…..

🔥हाच तो लाडखेड व बोरी अरब येथील जुगार अड्ड्यावरील लाडखेडचे ठाणेदार विनायक लंबेची लांबलचक कमाई – बोरी अरब चे बीट जमादार सावदे व सुनिल राठोडच्या माध्यमातून अवैध धंदेवाल्याकडून लाखोंची हप्ता वसुली.🔥हाच तो लाडखेड चे ठाणेदार विनायक लंबे, अवैध धंदेवाल्याकडून लाच घेवून लाडखेड व ग्रामीण भागाची शांतता करतात भंग.🔥हाच तो अवैध धंदेवाल्याकडून हप्ता वसुली करणारा लाडखेड ठाणेदारचा लाडका शिपाई सुनिल राठोड.

🔥ठाणेदार विनायक लंबे अवैध धंदेवाल्याकडून लाच घेऊन लाडखेड व ग्रामीण भागाची शांतता करतात भंग.

🔥अवैध जुगाराच्या माध्यमातून विनायक लंबेची लांबलचक कमाई – लाडखेड व परिसरातील गाव खेड्यात कायदा व सुव्यवस्थेचा प्रश्न निर्माण.

🔥लाडखेड व बोरी अरब येथील जुगार अड्ड्यातील ठाणेदार विनायक लंबे यांचे उखळ पांढरे.

🔥लाडखेड ठाणेदाराचे अजब धंद्याची गजब कहाणी साहसिकच्या दणक्याने लंबे चे धाबे दणाणले येथील जुगाराचे अड्डे बोरी अरब कडे वळविले.

🔥ठाणेदार विनायक लंबे यांचा परवानगीने बोरी येथे कट पत्ता,मटका,जुगार बिनधास्त सुरु.

🔥ठाणेदार विनायक लंबे यांचे विश्वासू वसुली दलाल बोरी (अ) येथील बीट जमादार सावदे शिपाई सुनील राठोड यांच्या देखरेखी खाली बंद झालेले जुगाराचे तीन अड्डे सुरू.

🔥विनायक लंबेच्या आशीर्वादाने बोरी अरब येथील पल्लवी हॉटेलच्या मागे, ग्रामपंचायत समोर,आठवडी बाजार,सह बसस्थानक समोर दुकान गाळ्यामागे असे तीन काऊंटर ची ठाणेदार लंबे यांनी हप्ता घेऊन दिली परवानगी.

यवतमाळ -/ अधिकारी जेव्हां पदाचा दुरुपयोग करून स्वतःची तिजोरी भरतात,तेव्हां सर्वसामान्य माणसाचा कायद्यावरचा विश्वास उडतो.
रक्षकच जेव्हा भक्षक बनतो, तेव्हा कायद्याची चौकट मोडायला वेळ लागत नाही.
जिल्ह्याचे कर्तव्यदक्ष पोलीस अधिक्षक कुमार चिंता यांच्या राज्यात त्यांच्या अधिनस्त पोलीस अधिकारी लाखो रुपयाची लाच घेवून अवैध्य धंदयाला पाठबळ देत आहे. अवैध्य रेती व्यवसाय, मटका,
जुगार, गावरानी दारु, कोंबड बाजार,तीन पात्ती, सट्टा, गुटखा हा प्रकार सध्या जोरात सुरु आहे.
असाच काहीसा प्रकार लाडखेड पोलीस ठाण्याचे पोलीस निरीक्षक विनायक लंबे यांचा चालला आहे.
ठाणेदार विनायक लंबे यांच्या आशीर्वादाने लाडखेड येथे सुरू असलेले अवैध धंद्याचे साम्राज्य आणि ‘अर्थ’पूर्ण व्यवहार आता चव्हाट्यावर आला आहे.
दैनिक साहसिकच्या दणक्याने जळजळीत बातमीनंतर जनक्षोभाला घाबरून ठाणेदार विनायक लंबे यांनी लाडखेड येथील सर्व अवैध धंदे बंद केल्याचा बनाव रचला.येथील हे धंदे कायमचे बंद झाले नसून,ते केवळ ‘कथित स्वरूपात’ आणि काही काळासाठी पडद्याआड गेले आहेत.
विनायक लंबे यांनी लाडखेड येथील जनतेच्या डोळ्यात धूळफेक करण्यासाठी हा केवळ एक देखावा असल्याची चर्चा परिसरात रंगली आहे. मात्र,विश्वसनीय सूत्रांकडून मिळालेल्या माहितीनुसार लाडखेड येथील मटका,जुगाराचा अड्डा ठाणेदार विनायक लंबे यांचा लाडके वसुली अभिकर्ते बोरी अरब चे बीट जमादार सावदे व शिपाई सुनील राठोड या दोघांच्या देखरेखीत बोरी अरब येथे वळविण्यात आले आहे.
लाडखेड पोलिस स्टेशन अंतर्गत
येणाऱ्या बोरी अरब येथे पल्लवी हॉटेल मागे ग्रामपंचायत समोर, आठोडी बाजार,बस्थानक समोरील दुकान गाळ्यामगे,असे तीन ते चार काउंटरची विनायक लंबे यांनी हप्ता घेवून परवानगी दीले आहे.
बोरी अरब सह गाव परिसरात सध्या अवैध धंद्यांनी अक्षरशः डोके वर काढले आहे.
विशेषतः बोरी अरब,महागाव ओपी.,वडगाव गडवे, लाडखेड सह परिसरात मटका जुगाराचे अड्डे खुलेआम सुरू असून हे सर्व कुणाच्या आशीर्वादाने चालू आहेत, असा संतप्त सवाल नागरिकांकडून उपस्थित केला जात आहे.
बोरी अरब येथे ठाणेदार विनायक लंबे यांच्या आदेशाने बीट जमादार सुनील राठोड याच्या आशीर्वादाने परिसरात राजरोसपने मटका सेंटर सुरू असल्याचे चित्र आहे. दिवसा-रात्री या अड्डयावर गर्दी दिसून येते. विशेष म्हणजे हे सर्व प्रकार उघडपणे सुरू असताना संबंधित वरिष्ठांची चुप्पी नागरिकांना खटकत आहे.
या अवैध मटका जुगार व्यवसायामुळे परिसरातील
बेरोजगार युवक,मजूर वर्ग मोठ्या प्रमाणात या जुगाराच्या विळख्यात अडकत आहे.
रोजच्या कमाईच्या लालसेपोटी अनेक कुटुंबांचा संसार उघड्यावर पडत असून आर्थिक सामाजिक आणि मानसिक नुकसान होत आहे.
अनेक घरांमध्ये कर्जबाजारीपणा
घरगुती वाद,व्यसनाधीनता वाढताना दिसत आहे.
नागरिकांचे म्हणणे आहे की, इतक्या खुलेआम सुरू असलेले मटका अड्डे वरिष्ठांच्या निदर्शनास कसे येत नाहीत, हा मोठा प्रश्न आहे. कारवाई न होण्यामागे कुणाचे राजकीय अथवा आर्थिक पाठबळ आहे का? अशी शंका व्यक्त केली जात आहे.यामुळे पोलिस प्रशासनाच्या कार्यक्षमतेवर आणि प्रामाणिकतेवरही प्रश्नचिन्ह निर्माण झाले आहे. या संपूर्ण प्रकाराबाबत लाडखेड बोरी अरब सह परिसरातील सुजाण नागरिकांची तात्काळ कठोर कारवाईची मागणी आहे.
अवैध मटका,जुगार अड्डे बंद करून संबंधित चालकांवर गुन्हे दाखल करावेत,तसेच या धंद्यांना पाठीशी घालणाऱ्या लाडखेडचे लाचखोर ठाणेदार विनायक लंबे व त्यांचे सहकारी बोरी अरब चे बीट जमादार सावदे व शिपाई सुनिल राठोड यांच्यावरही कारवाई व्हावी,अशी जोरदार मागणी होत आहे.
जर वेळीच ठोस पावले उचलली नाहीत, तर लाडखेड परिसर गुन्हेगारी आणि अवैध धंद्याचे केंद्र बनेल, अशी भीती व्यक्त केली जात आहे.(क्रमशः)

ब्युरो रिपोर्ट साहसिक News-/24 यवतमाळ,वर्धा