यवतमाळ-/यवतमाळ जिल्ह्याच्या तेलंगणा सीमेवरील एका पोलीस ठाण्यात कार्यरत असलेल्या ‘व्ही-लॉस’ या टोपणनावाने ओळखल्या जाणाऱ्या ठाणेदाराच्या कथित कृत्याने संपूर्ण पोलीस दलाची मान शरमेने खाली गेली आहे. शासकीय पदाचा माज आणि सरकारी संसाधनांचा खासगी ‘अय्याशी’साठी वापर करणाऱ्या या ठाणेदाराच्या वागण्यामुळे जिल्ह्यात मोठी खळबळ माजली असून, पोलीस प्रशासनाच्या प्रतिमेला मोठा धक्का बसला आहे.
मिळालेल्या माहितीनुसार, संबंधित ठाणेदाराने खाकी वर्दीची प्रतिष्ठा धुळीस मिळवत सरकारी वाहनाचा वापर आपल्या वैयक्तिक मौजमजेसाठी केल्याचा गंभीर आरोप आहे. हा अधिकारी एका परक्या महिलेसोबत शासकीय वाहनातून राजरोसपणे फिरत असल्याचे बोलले जात आहे. इतकेच नव्हे तर, त्या महिलेला चक्क शासकीय पोलीस वसाहतीतील (Police Quarters) निवासस्थानी ठेवण्यात आल्याचे धक्कादायक दावे सूत्रांनी केले आहेत.
ज्या निवासस्थानी केवळ कर्तव्यदक्ष अधिकारी आणि त्यांच्या परिवाराचा हक्क असतो, तिथे एका खासगी महिलेची उपस्थिती पोलीस वसाहतीतील इतर कुटुंबियांसाठी डोकेदुखी ठरली आहे. खरेदीसाठी जाणे असो किंवा फिरण्यासाठी, या सर्व कामांसाठी सरकारी इंधनाचा आणि वाहनाचा वापर केल्याने जनतेच्या पैशांची ही एक प्रकारे लूटच असल्याचे बोलले जात आहे.
CCTV आणि कॉल डिटेल्समधून फुटणार बिंग?
या प्रकरणातील सर्वात महत्त्वाचा दुवा म्हणजे त्या पोलीस वाहनातील तंत्रज्ञान. संबंधित पोलीस वाहनात ‘CCTV डॅश कॅमेरा’ कार्यरत असल्याची माहिती समोर आली आहे. या डॅश कॅमेऱ्याचे फुटेज तपासल्यास ठाणेदार महोदय कोणासोबत आणि कुठे जात होते, याचे सत्य जगासमोर येईल.
नागरिक आणि सामाजिक संघटनांनी आता आक्रमक पवित्रा घेतला असून, केवळ डॅश कॅमेराच नव्हे तर ठाणेदाराचे ‘कॉल डिटेल्स’ (CDR) आणि ‘मोबाईल लोकेशन’ची तांत्रिक तपासणी करण्याची मागणी केली आहे. जर या तांत्रिक पुराव्यांची सखोल चौकशी झाली, तर या “व्हि-लॉस” ठाणेदाराच्या तथाकथित अय्याशीपणाचे “मुकुट” भर चौकात उघडे पडल्याशिवाय राहणार नाही, असे मत व्यक्त होत आहे.
पोलीस वसाहतीत दहशतीचे वातावरण
या ठाणेदाराच्या अशा वागण्यामुळे केवळ बाहेरील समाजच नव्हे, तर खुद्द पोलीस वसाहतीमध्येही प्रचंड अस्वस्थता आहे. वसाहतीत राहणाऱ्या महिला आणि लहान मुलांवर याचा विपरीत मानसिक परिणाम होत आहे. ज्यांच्यावर कायदा आणि सुव्यवस्था राखण्याची जबाबदारी आहे, तोच अधिकारी जर अशा प्रकारे वागत असेल, तर कुटुंबांमधील सुरक्षिततेचे काय? असा प्रश्न उपस्थित केला जात आहे. वसाहतीतील वातावरण गढूळ झाल्याने कर्मचाऱ्यांमध्येही दबक्या आवाजात चर्चा आणि भीतीचे सावट पसरले आहे.
कायद्याचे उल्लंघन आणि नैतिक अध:पतन
एका जबाबदार पदावर असलेल्या अधिकाऱ्याने ‘पोलीस आचारसंहिते’चे उल्लंघन करणे हा कायदेशीर गुन्हा मानला जातो. शासकीय मालमत्तेचा वैयक्तिक उपभोगासाठी वापर करणे हा भ्रष्टाचाराचा आणि पदाचा गैरवापर केल्याचा प्रकार आहे. कायद्याचे रक्षकच जेव्हा भक्षक किंवा नियमांचे उल्लंघन करणारे बनतात, तेव्हा सर्वसामान्य जनतेचा न्यायव्यवस्थेवरचा विश्वास उडू लागतो.
’देवाभाऊ’ आणि पोलीस अधीक्षक काय पाऊल उचलणार?
सध्या हे प्रकरण संपूर्ण जिल्ह्यात चर्चेचा विषय ठरले असून, आता सर्वांच्या नजरा राज्याचे गृहमंत्री देवेंद्र फडणवीस (देवाभाऊ) आणि यवतमाळचे जिल्हा पोलीस अधीक्षक कुमार चिंता यांच्याकडे लागल्या आहेत. जनतेचे प्रश्न: या भ्रष्ट आणि चारित्र्यहीन वर्तनावर गृहखाते कठोर कारवाई करणार का? सरकारी मालमत्तेचा अपव्यय करणाऱ्या ठाणेदाराला निलंबित केले जाणार का? पोलीस दलाची प्रतिमा वाचवण्यासाठी ही चौकशी पारदर्शक होणार का?
या प्रकरणाची निष्पक्ष आणि सखोल चौकशी झाल्यास अनेक धक्कादायक बाबी समोर येऊ शकतात. जिल्ह्याच्या सीमावर्ती भागात सुरू असलेल्या या ‘अय्याशी’चा पाढा आता वरिष्ठ अधिकारी कसा वाचतात, याकडे सर्वांचे लक्ष लागले आहे. दोषी आढळल्यास या ठाणेदारावर कठोर कारवाई व्हावी, जेणेकरून भविष्यात कोणताही अधिकारी खाकी वर्दीला काळिमा फासण्याचे धाडस करणार नाही, अशी भावना यवतमाळच्या जनतेकडून व्यक्त केली जात आहे.
🔥यवतमाळ पोलीस दलाला काळिमा तेलंगणा सीमेवरील ‘व्ही-लॉस’ ठाणेदाराच्या रंगेलपणाची जिल्ह्यात चर्चा; सखोल चौकशीची मागणी.
