सिंदी बाजार समितीचा मोठा निर्णय: सेलू उपशाखेत तीळ पाठोपाठ आता ‘भुईमूग’ लिलावाचाही होणार शुभारंभ! ६ जूनला तीळ, तर ८ जूनपासून भुईमुगाची खरेदी; आठवड्यातून एक दिवस होणार लिलाव
🔥सिंदी बाजार समितीचा मोठा निर्णय: सेलू उपशाखेत तीळ पाठोपाठ आता ‘भुईमूग’ लिलावाचाही होणार शुभारंभ!
🔥६ जूनला तीळ, तर ८ जूनपासून भुईमुगाची खरेदी; आठवड्यातून एक दिवस होणार लिलाव
सिंदी (रेल्वे)-/कृषी उत्पन्न बाजार समिती सिंदी अंतर्गत येत असलेल्या सेलू उपशाखेत यावर्षी शेतकऱ्यांच्या सुविधेसाठी प्रशासनाने मोठे पाऊल उचलले आहे. सेलू उपबाजार आवारात शनिवार, दिनांक ६ जून २०२६ पासून ‘तीळ’ शेतमालाच्या लिलावाचा शुभारंभ होत असतानाच, आता सोमवार, दिनांक ८ जून २०२६ पासून ‘भुईमूग’ शेतमालाच्या लिलावाचाही शानदार शुभारंभ करण्यात येत आहे. या दोन्ही प्रमुख नगदी पिकांच्या खरेदीमुळे परिसरातील शेतकरी वर्गात उत्साहाचे वातावरण आहे.
बाजार समितीने दिलेल्या नियोजनानुसार, तीळ आणि भुईमूग या दोन्ही शेतमालांची लिलाव प्रक्रिया सध्या आठवड्यातून केवळ एकच दिवस (दर शनिवारी तिळासाठी आणि दर सोमवार भुईमुगासाठी) सेलू शाखेतील कापूस यार्ड व गोदाम क्रमांक ०१ मध्ये पार पडणार आहे.
शेतकऱ्यांची खाजगी बाजारातील फरफट थांबणार
सेलू आणि परिसरातील कार्यक्षेत्रात तीळ आणि भुईमुगाचे मोठ्या प्रमाणावर उत्पादन घेतले जाते. मात्र, स्थानिक पातळीवर हक्काची शासकीय किंवा अधिकृत बाजारपेठ उपलब्ध नसल्याने शेतकऱ्यांना माल विक्रीसाठी यवतमाळ व इतर ठिकाणच्या खाजगी बाजारात जावे लागत होते. यात शेतकऱ्यांचा वेळ, श्रम आणि वाहतुकीचा मोठा खर्च होत होता.
शेतकऱ्यांची हीच अडचण ओळखून बाजार समितीचे सभापती केशरीचंद बा. खंगारे यांनी मागील वर्षी (२०२४) पासून प्रथम तिळाच्या लिलावाची व्यवस्था केली होती, ज्याला व्यापाऱ्यांनी योग्य भाव देऊन उत्तम प्रतिसाद दिला. याच धर्तीवर यंदा शेतकऱ्यांच्या मागणीनुसार भुईमुगाचाही लिलाव सुरू करण्याचा महत्त्वपूर्ण निर्णय प्रशासनाने घेतला आहे. यंदा या दोन्ही शेतमालाचे उत्पादन मोठ्या प्रमाणात झाले असल्याने हा निर्णय शेतकऱ्यांसाठी वरदान ठरणार आहे.
लिलावाचे वेळापत्रक आणि ठिकाण:
तीळ लिलाव: दर शनिवारी (शुरुवात ६ जून २०२६ पासून)
भुईमूग लिलाव: दर सोमवारी (शुरुवात ८ जून २०२६ पासून)
ठिकाण: बाजार समिती उपशाखा सेलू, कापूस यार्ड, व गोदाम क्रमांक ०१.
शेतकऱ्यांना जास्तीत जास्त संख्येने येण्याचे आवाहन
सेलू उपशाखेत सुरू होणाऱ्या या तीळ व भुईमूग लिलाव प्रक्रियेचा परिसरातील सर्व उत्पादक शेतकऱ्यांनी लाभ घ्यावा. शेतकऱ्यांनी आपला शेतमाल चांगला वाळवून आणि स्वच्छ करून लिलावासाठी आणावा, जेणेकरून मालाला जास्तीत जास्त भाव मिळवता येईल, असे आवाहन बाजार समितीचे:
सभापती: केशरीचंद बा. खंगारे
उपसभापती: प्रमोदजी आदमने
सचिव: महेंद्र भांडारकर
तसेच समस्त संचालक मंडळ आणि बाजार समितीच्या कर्मचारी वर्गाने केले आहे.
🔥सिंदी बाजार समितीचा मोठा निर्णय: सेलू उपशाखेत तीळ पाठोपाठ आता ‘भुईमूग’ लिलावाचाही होणार शुभारंभ!
