वाघाच्या हल्ल्यात शेतकरी ठार
प्रतिनिधी/ कारंजा:
कारंजा तालुक्यातील कन्नमवारग्राम येथील शेत शिवारात जनावरासाठी गवत कापायला गेलेला लक्ष्मण महादेव हुके हा ३० च या शेतकऱ्याचा वाघाच्या हल्ल्यात जागीच ठार झाल्याची घटना आज सकाळी ८ वाजताचे दरम्यान घडली.
लक्ष्मण हुके हा जनावरासाठी गवत आणायला शेतात गेला होता त्याचवेळी मागून आलेल्या वाघाने त्याचेवर हल्ला केला हल्ल्यात जागीच तरुण शेतकरी जागीच ठार झाला.
शेतात गेलेला लक्ष्मण हुके बराच वेळ झाल्यामुळे घरी परत न आल्यान त्याची पत्नी शोध घेत शेताकडे गेली असता लक्ष्मण मृतावस्थेत गव्हाच्या पिकात दिसून आला त्यामुळे सदर घटना उघडकीस आली.
मृतक हा विवाहित असून त्याला दोन लहान मुले आहेत.
घटनेची माहिती मिळताच कारंजा वनपरिक्षेत्राधिकारी यांनी कर्मचार्यासह घटनास्थळावर जाऊन पाहणी केली व पंचनामा केला.
